Paratë publike · plani dhe realizimi
Buxheti: sa u planifikua dhe sa u shpenzua
Çdo vit Kuvendi miraton buxhetin: sa para do të mblidhen dhe për çfarë do të shpenzohen. Këtu krahasojmë planin me atë që u pagua realisht, që nga 2009.
Këto shifra tregojnë sa para u paguan, jo çfarë u ndërtua apo sa mirë u ndërtua. Shpenzimi i plotë i buxhetit nuk do të thotë punë e mirë, dhe mos-shpenzimi nuk do të thotë gjithmonë dështim.
Investimet kapitale, 2025
77% e planit fillestar
U paguan 720 milionë € nga 931 milionë € të planifikuar në ligjin e buxhetit (81% e buxhetit përfundimtar).
Mesatarja 2009–2025: 79%Më shumë →
I gjithë buxheti, 2025
91% e buxhetit përfundimtar
U paguan 3.487 milionë € nga 3.848 milionë € të buxhetit përfundimtar.
Taksat kundrejt planit, 2025
101,6% e planit
U mblodhën 2.973 milionë € taksa, kundrejt 2.926 milionë € të planifikuar.
Investimet këtë vit
377 mln €, janar–shtator 2026
−3% krahasuar me të njëjtat muaj të 2025. Zakonisht deri në këtë muaj paguhet rreth 51% e investimeve të vitit; pjesa më e madhe paguhet në dhjetor.
Realizimi sipas viteve
Kaloni miun mbi grafik për vlerat.
100% = plani u realizua plotësisht. “Buxheti fillestar” është ai i miratuar me ligj; “buxheti përfundimtar” përfshin rishikimet gjatë vitit.
Tabela: plani dhe realizimi (milionë €)
| Viti | Investime: plani fillestar | Plani përfundimtar | Paguar | % e fillestarit | % e përfundimtarit | Buxheti gjithsej: % e realizuar | Taksat: % e planit |
|---|---|---|---|---|---|---|---|
| 2025 | 931 | 887 | 720 | 77% | 81% | 91% | 101,6% |
| 2024 | 859 | 841 | 647 | 75% | 77% | 88% | 101,3% |
| 2023 | 820 | 857 | 554 | 68% | 65% | 83% | 99,2% |
| 2022 | 704 | 699 | 419 | 60% | 60% | 83% | 105,5% |
| 2021 | 626 | 622 | 420 | 67% | 67% | 87% | 116,1% |
| 2020 | 672 | 720 | 380 | 57% | 53% | 82% | 84,5% |
| 2019 | 789 | 794 | 531 | 67% | 67% | 85% | 96,0% |
| 2018 | 694 | 674 | 530 | 76% | 79% | 90% | 97,3% |
| 2017 | 726 | 501 | 468 | 64% | 93% | 95% | 98,9% |
| 2016 | 463 | 500 | 444 | 96% | 89% | 95% | 105,1% |
| 2015 | 457 | 480 | 404 | 88% | 84% | 93% | 100,2% |
| 2014 | 530 | 515 | 411 | 78% | 80% | 90% | 90,3% |
| 2013 | 622 | 627 | 529 | 85% | 84% | 90% | 93,5% |
| 2012 | 617 | 624 | 550 | 89% | 88% | 92% | 97,7% |
| 2011 | 572 | 604 | 528 | 92% | 87% | 92% | 99,8% |
| 2010 | 414 | 503 | 455 | 110% | 91% | 94% | 100,2% |
| 2009 | 408 | 498 | 400 | 98% | 80% | 87% | 97,0% |
| 2008 | Raporti vjetor financiar 2008 nuk gjendet në faqen e Thesarit: dokumenti me titullin “Financial Report for the year ended on December 31 2008” përmban në të vërtetë raportin e vitit 2010. Realizimi i 2008 ekziston në serinë mujore, por plani jo. | ||||||
| 2026 | Viti është në vazhdim; raporti vjetor del pas mbylljes së vitit. | ||||||
Lidhja te viti hap raportin vjetor financiar nga i cili është lexuar plani. “Paguar” = shpenzimet kapitale të qeverisë qendrore dhe komunave, pa grantet e përcaktuara të donatorëve.
Investimet kapitale çdo muaj (milionë €)
Kaloni miun mbi grafik për vlerat.
Kulmet në dhjetor tregojnë se pagesat për investime grumbullohen në fund të vitit. Tre muajt e fundit janë paraprakë.
Si llogaritet
- Plani merret nga Raportet Vjetore Financiare të Ministrisë së Financave: “buxheti fillestar” është ai i ligjit vjetor të buxhetit; “buxheti përfundimtar” është buxheti pas rishikimeve dhe ndryshimeve gjatë vitit.
- Realizimi i investimeve kapitale merret nga seria mujore fiskale e Thesarit (qeveria qendrore + komunat, pa grantet e përcaktuara të donatorëve). Kjo seri është e harmonizuar me pasqyrat financiare të audituara.
- Realizimi i buxhetit të përgjithshëm = pagesat gjithsej / buxheti përfundimtar, të dyja nga e njëjta pasqyrë e raportit vjetor.
- Të hyrat tatimore kundrejt planit = të hyrat tatimore neto (pas kthimeve) / plani në ligjin e buxhetit, nga e njëjta pasqyrë.
- Përqindjet nuk tregojnë cilësinë e investimeve: një projekt mund të paguhet plotësisht dhe të jetë i dobët, ose të vonohet për arsye të mira.
Kujdes me krahasimet ndër vite
- 2016 dhe 2017: “buxheti përfundimtar” është ligji i rishikuar i buxhetit (tabela e deficitit), sepse raportet e këtyre viteve nuk japin ndarjet finale sipas kategorive ekonomike në SIMFK.
- 2016–2020: pasqyra e konsoliduar paraqet shpenzimet sipas funksionit (COFOG); buxheti kapital merret nga shënimi për krahasimet buxhetore ose nga tabela e deficitit.
- 2019–2021: buxheti përfundimtar përfshin edhe grantet e përcaktuara të donatorëve (rreth 5–8 milionë € në vit për investime), ndërsa realizimi që përdorim i përjashton ato.
- 2009–2015: të hyrat tatimore janë rreshti “Tatimi” i pasqyrës; nga 2016 janë tatimet direkte + indirekte − kthimet tatimore. Krahasimi plan–realizim bëhet gjithmonë brenda të njëjtës pasqyrë.